Duglaus?

Hefði ekki verið rétt af ráðherra bankamála að blanda sér málin fyrr í stað þess að bíða eftir að vera kallaður til ráðagerða.  Það var mörgum orðið ljóst að Útrásar Adam var fluttur úr Paradís og Samfylkingarráðherrarnir gerðu sig seka um að vilja ekkert aðhafast og láta ráðherra Sjálfstæðisflokksins eina fást við málin.  Duglitlir stjórnmálamenn sem kunna sig bara í góðæri.

Nú neita sumir þeirra að taka þátt í að búa ríkissjóð  undir kreppuna með því að hagræða í sínum ráðuneytum.  Er kannski ekki búið að segja þeim að það sé skollin á banka og lausafjárkreppa.


mbl.is Björgvin: Spurningarmerki við Glitnisatburðarás
Tilkynna um óviðeigandi tengingu við frétt

Ekki segja mér þá veit ég ekkert

Eru það ábyrg stjórnvöld sem aldrei spyrja líkt og ráðherrar samfylkingar hafa gert sig seka um.  Var ástandið á ríkistjórnarfundum þannig að þegar efnahagsmál voru rædd þá þurftu allir ráðherrar Samfylkingar að fara á klósettið.

Eiga ráðherrar að hætta að spyrja ágengra spurninga þegar þeir komast í embætti, það er augljóslega skoðun Össurar eða var hann of upptekin í Indónesíu að skála með Ólafi Ragnari (ekki úr Dagvaktinni).


mbl.is Eitthvað rotið í Seðlabankanum
Tilkynna um óviðeigandi tengingu við frétt

Sambandsnefnd

Á fundi á vegum Varðar fulltrúaráðs Sjálfstæðisfélaganna í Reykjavík fékk ég í fyrsta sinn í dag kynningu á Sambandsnefnd Flokksins og hverjir eiga að leiða einstaka vinnuhópa.  Eftir þá kynningu verð ég ansi hugsi yfir þá vegferð sem forysta flokksins er að fara í með þessu starfi.  Í flesta hópa virtust raðast Sambandssinnar en fá nöfn sá ég af efasemdamönnum um aðild. 

 

Miðað við þá stemmingu sem ég upplifi hjá Sjálfstæðismönnum sem á vegi mínum verða þá finn ég fyrir engum áhuga á Sambandsaðild og jafnvel tilfinningaheitri afstöðu gegn aðild.  Almennt er þetta fólk sem hefur verið virkt í flokknum og er líklegt til að mæta á landsfund og vera virkt.  Ég held því að forysta flokksins sé því að leggja upp í ferð þar sem hún mun reka sig á vegg flokksmanna sem er henni ósammála.

 

Nú get ég ekki útilokað að á vegi mínum verði einsleitur hópur manna og kvenna sem aðhyllast hina sönnu Sjálfstæðis hugsjón sem hefur verið grunnar að öllum stefnum flokksins frá stofnun. Hitti ég kannski einungis fólk úr slorinu eða bændur?

 

Hvað sem verður klárar flokkurinn sín mál með sæmd þó svo einhverjir af hans leiðtogum þurfi að viðurenna sig sigraða.  Nú eða einhverjir Dindlar.....


Félagið sem átti að vernda fólkið fyrir bönkum

Hvar voru góð ráð Neytendasamtakanna þegar peningasölumennirnir seldu fólki sjóð - 9 sem örugga fjárfestingu. 
mbl.is Sótt verði um aðild að ESB
Tilkynna um óviðeigandi tengingu við frétt

Tökum þau á orðinu

Það er orðið tímabært að Samfylkingin sýni sitt rétta andlit.  Þau treysta ekki egin forystu til að sjórna landinu og vilja því færa allt vald til Brussel.  Er það eina lausn á vandann sem við erum í ídag að ganga á hönd annarra og gefa eftir fullveldið, þurfa svo smátt og smátt að flytja úr skálunum og inn í torfkofana aftur til að dúsa þar í 700 ár.

 

Það kalla ég að skuldbinda börnin okkar.


mbl.is Myndi jafngilda stjórnarslitum
Tilkynna um óviðeigandi tengingu við frétt

Engir kostir við aðild.

Sem annar af skipuleggjendum þessa fundar var ég mjög ánægður með hann og tel fundi sem þennan sanni fyrir mér tilganginn með því að taka þátt í pólitísku starfi á milli kosninga eða vera “dindill” í Sjálfstæðisflokknum eins og Egill Helgason kallaði mig á heimasíðu sinni.  Þarna voru málefnin rædd á opinn og jákvæðan máta og án upphrópanna sem fylgt hafa hinum svokölluðu “mótmælafundum”.  Þarna kom í fyrsta sinn fram vilji Bjarna til að skoða aðild að Sambandinu þótt hann viðurkenndi að það eina sem við hugsanlega höfum þangað að sækja sé gjaldmiðill sem að mörgu leiti á undir högg að sækja.

 

Það sem ekki kemur fram í frétt mbl.is, er að allir fundarmenn sem tóku til máls voru eindregið á móti því að sækja um aðild að Sambandinu og sáu alla kosti betri í gjaldmiðilsmálum en að ganga í ESB til að taka upp Euro.

 

Eftir þennan fund og fleiri sem ég hef sótt er ég mjög efins um að á næsta landsfundi Sjálfstæðisflokksins verði stefnan sett á Evrópu.


mbl.is Ísland ekki einangrað til frambúðar
Tilkynna um óviðeigandi tengingu við frétt

Á Jósku Heiðarnar

Þorvaldur og hans áar voru sennilega aldrei sáttir við Lýðveldið Ísland og hafa kosið að viðhalda konungssambandinu.  Þetta er maðurinn sem sagði á fundi í Ráðhúsi Reykjavíkur að "þetta landsbyggðapakk hefði eyðilagt Reykjavík".
mbl.is Þurfum að deila fullveldi okkar með öðrum
Tilkynna um óviðeigandi tengingu við frétt

Skoðanir Egils

Egill Helgason ætti að skipta um nafn á þættinum sínum og skíra hann Skoðanir Egils.  Ég stúderaði panelinn hjá honum í síðasta þætti og Það er nú svona ákveðið þema í fólkinu sem kemur í þáttinn hjá honum.  Flest fólk sem er svona út á jaðrinum en með skoðanir sem líkjast skoðunum Egils og eru aldrei spurðir gagnrýnum spurningum.  Hér er listi yfir síðustu viðmælendur Egils og greining á þeim.

Katrín Oddsdóttir, Anarkisti
Sigurður Ingi Jónsson, Frjálslyndir
Ástráður Haraldsson, Vinstri Grænir
Kristinn Pétursson, Andstæðingur kvótakerfis og Sjálfstæðis.
Vilhjálmur Birgisson, Verkalýðsformaður
Einar Árnason, Hagfræðingur BSRB
Gunnar Axel Axelsson, Formaður Samfylkingarf. Hafnarfjarðar
Ragnar Þór Ingólfsson, Verslunarmaður
Vilhjálmur Þorsteinsson, Fulltrúi Samson í CCP og Verne
Guðrún Heiður Baldvinsdóttir
Benedikt Jóhannesson, Hefur verið í Sjálfstæðisflokknum er nú í Sambandsflokknum
Sigurbjörg Sigurgeirsdóttir

Fæstir eru rétt titlaðir eða kynntir í kynningu, formaður Samfylkingarfélags Hafnarfjarðar er titlaður viðskiptafræðingur og bloggari síðast. Einar Árnason er titlaður hagfræðingur og gleymist að kynna hann sem hagfræðing BSRB. Allt lýtur að því að Egill er að kalla fram sína eigin skoðun og er í hlutverki hljómsveitarstjóra við að mynda sitt eigið “collage” (fr. klippimynd).

Ef ég væri Sóley Tómasdóttir þá myndi ég kvarta undan hvað þarna vantar hefðbundna Sjálfstæðismenn án öfgaskoðana en á móti aðild að Sambandinu. Samkvæmt síðustu skoðanakönnun voru þetta 70% af Sjálfstæðisflokknum.


Skoðanakönnun

Á síðu þessari hefur verið í gangi skoðanakönnun um hvort þörf sé á að ég taki þátt í forvali fyrir næstu kosningar.  Nú þegar einungis þrír dagar eru eftir þar til könnuninni líkur eru 75% á móti því að endurnýjun verði í framlínu stjórnmálaflokka.  Ég styð þessa skoðun vef-verja einnig.

Kostir við Sambandið

Árni Helgason fer yfir kosti þess að ganga í Evrópusambandið á Sósaldemókratíska vefnum Eyjunni og listar upp kostina við það að taka upp evru (sem við þurfum að venja okkur á að heitir EURO) en fer ekki yfir ókostina við það að ganga í Evrópusambandið.
Eini þátturinn sem hann minnist á að sé neikvæður er samningstaða okkar gagnvart flökkustofnum. Ég er ekki alveg viss um að fólk geri sér grein fyrir hvað flökkustofnar eru, hér er því stuttur listi yfir þá sem ég man eftir í fljótu bragði:
Úthafskarfi
Loðna
Norsk Íslensk Síld
Kolmuni
Makríll
Þorskkvóti í Barentshafi

Án þess að ég hafi reiknað það í smáatriðum þá giska ég á að útflutningsverðmæti afurða úr þessum stofnum sé 30 milljarðar og hefur í gegnum tíðina verið mun meiri. Ef við missum 30% af þessum veiðiheimildum þá er viðskiptajöfnuður síðastliðins október farinn fyrir lítið.

Þetta er einn ókostanna við Sambandið og þeir eru margir fleiri.  Ég og Árni eigum þó eftir að rökræða þetta í lok janúar á Landsfundi Fálkaflokksins.

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband