Gleði - Glaumur á ferð

Spurning Draumalandsins “ertu grænn eða grár?” er svipuð spurning og “lemur þú maka þinn oft?”.  Alveg sama hvernig ég svaraði væri ég stimpla mig ofbeldismann gegn náttúrunni eða gegn framþróun.  Ég er hófsamur maður og neita að mér sé stillt á þennan hátt upp við vegg, ég er fjöltóna maður, er í lit!  Andri Snær er farinn að líkjast meir og meir einni af sögupersónum sínum Gleði-Glaum. “Viljið þið fljúga?” eða að allt verði grátt aftur.  Nú veit ég ekki hvort rithöfundar lesa sínar eigin bækur en hann ætta að glugga í Bláa hnöttinn og lesa hana fyrir framan spegil. 

Ég verð að játa það, að í upphafi hugnaðist mér ekki sú umræða innan Fálkaflokksins að einkavæða Landsvirkjun, nú er ég þeirrar skoðunar að það sé eina færa leiðin.  Að vísu verðu þá einnig að einkavæða Orkuveituna og Hitaveitu Suðurnesja til að “planið” gangi upp.  Það þarf að styrkja verulega stjórnkerfi orkumála þannig að Orkustofnun sé sjálfstæð og lúti ekki orkufyrirtækjunum, svipað og er í sjávarútvegi með Fiskistofu og í bankakerfinu með Fjármálaeftirlitið og Seðlabankann.  Nú er það frekar svo að OS er hagsmunastofnun orkufyrirtækjanna en stjórnapparat. 

Með einkavæðingu þessara fyrirtækja getur Iðnaðarráðherra verið á móti virkjunum af því að hún/hann átti ekki hugmyndina.  Alveg eins og Fjármálaráðherra ypptir öxlum þegar bankarnir kvarta um stjórnsemi ríkisins á þeirra högum, gæti Iðnaðarráðherra grett sig þegar “GreenEnera” (verður það nýtt alþjóðlegt merki LV) kvartar undan nýrri reglugerð um hámarksnýting borholu.  Gömlu góðu bankarnir hans Ögmundar sóuðu peningum okkar hinna í laxeldi, loðdýraeldi og margt fleira sem ég man ekki, því að póltíkin sagði þeim að gera það.  Nú hlustar enginn banki á Ögmund en þeir eru smeykir við að fjármálaráðherra setji strangari reglur um bókhald. 

Verum ekki grá eða græn verum blá!

 

Athugasemdir

[Páll Jóhannesson, 20.3.2007 kl. 14:42]

Einhvern tíman var líka spurt ,,ertu hættur að lemja konuna þína?" Hins vegar er löngu tímabært að þjóðin fari að huga að náttúrunni, ekki satt? kv Palli

[Haraldur Haraldsson, 20.3.2007 kl. 17:30]

Þarna er eg þer ekki sammál /Einkavæðing Landsvirkjunar og Raforkunnar alls ekki ,það er nog komið i bili/Nær að einkavæða meira i Heilsugeiranum og skólunum!!!!!Halli Gamli

[Sigurjón N. Jónsson, 20.3.2007 kl. 23:22]

Verum blá með hýrri há sagði kallinn í sjoppunni við mig áðan.  Við þurfum að horfa fram á vegin en ekki vera bara að éta fjallagrasate.