Hún er VARA borgarfulltrúi ekki AÐAL

 

Fréttaflutningurinn er að verða ansi einhæfur um stjórnmál í Reykjavík.  Endalaust er líkum leitt af því að borginni hefði verið í betri höndum meirihluta þar sem aðalborgarfulltrúi var settur til hliðar fyrir varaborgarfulltrúa heldur en meirihluta átta aðalborgarfulltrúa.

Það er samt ljóst að það var kominn upp stjórnarkreppa í borginni, starfandi meirihluti gat ekki náð saman um málefnasamning en „ætlaði að vinna í honum á næstunni".  Margrét Sverris varaborgarfulltrúi var búin að leggja til hliðar öll sín stefnumál en sá borgarfulltrúi sem hún leysti af var ekki sáttur.  Hann gat því ekki starfað með gamla meirihlutanum.

Eftir situr að það voru undanhlaup Blinga sem gerðu það að verkum að það myndaðist vík milli vina.  Hver þarf  á óvini að halda sem á Blinga "beturklædda" sem vin, alla veganna ekki Óli "síðurklæddi"

Töldu Margréti með

Athugasemdir

[Jón Ingi Cæsarsson, 23.1.2008 kl. 11:14]

Kreppan er Ólafur F og verður það áfram hjá Sjöllum.... Margrét er búin að vinna vinnuna hans 4/5 af kjrötímabilinu...maðurinn er ekki vinnufær

[Páll Jóhannesson, 23.1.2008 kl. 13:00]

Hefði ekki verið gáfulegra hjá þessum nýja meirihluta og þá sérstaklega hjá Ólafi ,,eina" að athuga hvort hann væri með varadekk áður en hann lagði upp í þessa ferð? Ég held að það hefði nú verið ögn gáfulegra, en þetta sýnir bara enn og aftur hvað kjörnir borgarfulltrúar Reykjavíkur eru langt frá því að vera starfi sínu vaxnir, allir.

[Kári Sölmundarson, 23.1.2008 kl. 13:11]

Eins og síðasti meirihluti hefði átt að athuga hvort að vagninn væri áttahjóla en ekki sjö og varadekk.

[Páll Jóhannesson, 24.1.2008 kl. 08:44]

Kári minn! ekki ætla ég að reyna taka upp hanskann fyrir síðasta meirihluta, alls ekki. En þetta segir okkur sauðsvörtum almúganum að pólitíkin í Reykjavík er einn stór brandari. Allt frá síðustu kosningum hefur borgarpólitíkin sett svo mikið niður að allt venjulegt fólk er hætt að bera virðingu fyrir þessu fólki sem þar er sama hvar í flokki það stendur. Það er dapurlegt, ekki satt? 

[Páll Jóhannesson, 24.1.2008 kl. 23:50]

Munið eftir laginu hans Ómars Ragnarssonar ,,þrjú hjól undir bílnum...". Þetta ku vera einkennislag þessa meirihluta