Eini kosturinn

Ástæða fyrir því að nýr meirihluti D & F hefur verið myndaður í Reykjavík er að verða augljós, enginn annar kostur er til staðar.  Svandís Svavarsdóttir (Gestsonar) hefur gefið það út að hún muni ekki vinna með Sjálfstæðisflokki og það sama hefur Dagur súri einnig sagt en með hverjum ætla þau að mynda meirihluta?  Hvaða kosti hafa þau, varamann F-lista og óstarfhæfan Framsóknarflokk sem þarf að kalla til þingmenn úr öllum kjördæmum til þess að geta mannað fund í Reykjavík.

Vandamálið eru þau tvö, Svandís og Dagur, með því að útiloka stærsta flokkinn í borginni frá samstarfi  þá eru þau búinn að útiloka að hægt sé að mynda sterkan meirihluta í Reykjavík og allir aðrir möguleikar verða veikir.  Ábyrgðin á ástandinu er því þeirra (ásamt Blinga en hann er nú farinn).

Það mátti skilja Dag súra í Silfrinu í gær á þann veg að það væri óeðlilegt að Fálkarnir í borgarstjórn töluðu við aðra um meirihlutastarf eftir að Blingi REIð á braut.  Hvernig getur maðurinn látið þetta út úr sér, með sömu rökum má segja, hvaða rétt átti hann á því að verða borgarstjóri eftir að Fylkingin beið afhroð með hann sem forystusauð í borginni.

Þessa kjörtímabils verður minnst á þann veg að Fálkar höfðu meirihluta í Reykjavík að undanskyld eitthundrað súrum dögum Dags.

Athugasemdir

[Páll Jóhannesson, 28.1.2008 kl. 17:32]

Góð lesning http://www.politik.is/?i=19&b=5,1391&expand=1 

[Kári Sölmundarson, 28.1.2008 kl. 21:24]

Ágætlega skrifuð grein hjá frænda mínum þarna á pólitík en hann fellur samt í þann leiða vana Fylkingarmanna að finnast þeir vera í meirihluta og verða sárir þegar aðrir geta starfað í hóp en ekki þeir.  Því að til að hafa áhrif þarf stundum að velja að gera ekki allt það sem maður vill og gera það sem fellur best fyrir samstarfsaðilann.  Þá kemur maður sínu að.

[Páll Jóhannesson, 28.1.2008 kl. 21:49]

Enn og aftur sannast máltækið ,,hverjum finnst sinn fugl fegurstur"

[Eggert Karlsson, 28.1.2008 kl. 22:58]

Voðalegt bull er þetta í þér að ástæða hafi verið til að skypta um meirihluta  það sjá allir sem vilja að það var augljóslega mun sterkari meirihluti í Reykjavik áður en Villi keypti Ólaf F með borgarstjórastólnum Í fyrri meirihluta hafði þó karltetrið hann Ólafur eitthvert bakland eða í það minsta varamann ef á þurfti að halda Nú er hann bara aumkunarverður einstæðingur í kjafti íhaldsins en hann virðist ekki gera sér grein fyrir því vegna einhverjar þráhyggju og mikilmensku stæla aumingja hann