Gamla og nýja hagkerfið

Það hefur verið einhver þjóðsaga um að hugbúnaðarfyrirtækið CCP hafið skilað meiru verðmætum heldur en loðnuvertíð.  Ég verð að segja að það væri frábært ef rétt væri en samkvæmt opinberum tölum þá er þetta rangt, eru ekki allir að verða leiðir á röngum tölum?  Ég ákvað því að afla mér upplýsinga um hverjar þessar tölur eru, hverjar eru tekjur CCP og hverjar voru tekjur þjóðarinnar af loðnuvertíð.  Það eru tveir staðir sem mér eru aðgengilegir, heimasíða CCP sem birti rekstarniðurstöðu CCP vegna útgáfu skuldabréfa fyrr á árinu og hagstofan þar sem finna má útflutningsverðmæti hinna ýmissa afurða. Ef einhver hefur betri tölur þá eru þær vel þegnar.

	2007
Loðna	Verðmæti Fob
10  Sjófrystur heill fiskur	1.291.489.138
14  Heilfrystur fiskur ót.a.	1.771.199.295
18  Fryst hrogn	4.052.401.413
23  Söltuð hrogn	2.577.245
31  Fiskmjöl	2.284.015.392
32  Lýsi	475.916.277
Útflutningsverðmæti FOB	9.877.598.760
CCP
Tekjur CCP 2007 USD	37.155.107
Meðalgengi USD	64,17
Tekju í ÍSK	2.384.243.216

 

Útflutningsverðmæti loðnu voru á árinu 2007 reiknað í FOB (þá er flutningakostnaður ekki meðtalinn) tæpir 9,9 milljarðar skv Hagstofunni, þessar tölur eru samkvæmt minni reynslu 95% réttar.  Athygli vekur að tekjurnar af hrognum sem unnin eru úr loðnunni eru tæpur helmingur af verðmætum hennar.  Tekjur CCP eru 37 milljón Dollara reiknað á meðalgengi ársins 2007 2,4 milljarðar þarna er um brúttótekjur að ræða því einhver kostnaður hlýst af útflutningnum t.d. rekstur netþjóna erlendis og þessháttar.

 

Það er því rangt og reyndar mjög rangt að CCP skili þjóðinni jafn miklu og loðnuvertíð.  Ekki veit ég hver hefur komið þessum “sannleika” af stað eða í hvaða tilgangi en ég er hissa að forsvarsmenn CCP hafi ekki leiðrétt þetta. En nú hafa þeir markmið að vinna að, þeir þurfa einungis að auka tekjur sínar fjórfalt.

 

Áfallastjórnuninni lokið

Athugasemdir

[Víðir Benediktsson, 22.11.2008 kl. 13:49]

FOB þýðir "free on board" þannig að þá er flutningskosnaður frá. Kaupandi greiðir.

[Baldvin Jónsson, 25.11.2008 kl. 21:17]

Kári, þetta var víst aðallega klaufaleg framsetning en alls ekki sett fram til að vega að loðnuveiðum. Höfundur hefur nú þegar leiðrétt það.

Hann var víst hins vegar að vísa til talna fyrir 2008 þar sem lítur út fyrir að hafi orðið mikill samdráttur á loðnu verðmæti og mikil aukning á tekjum CCP.

[Kári Sölmundarson, 25.11.2008 kl. 21:56]

Baldvin, það er gaman hvað menn hafa mikinn áhuga á loðnuveiðum og útflutningsverðmæti loðnuafurða. fólk á nefnilega til að gleyma því að á Íslandi vinnur fjöldi fólks við að framleiða vörur og selja þær úr afla skipa okkar íslendinga. Fólk sem skapar verðmæti með hugviti enda þessi iðnaður orðinn ansi sjálfvirkur.

En þú heldur áfram að nota rangar forsendur, á árinu 2008 höfðu margar fiskvinnslur fjárfest í betri tækjum og verð afurða og gengi þróaðist á jákvæðan hátt þegar leið á árið. Því er líklegt að afurðaverðið verði lítið lægra en á árinu 2007. Það sem hefur haldið lífi í sjáfarútvegi á íslandi er hin landlæga græjudella og að menn hætta aldrei að bæta sig.

Það er skemmtileg tilviljun að CCP skuli hafa sínar skrifstofur í gömlu frystihúsi og vonandi veita þeir sjávarútvegnum harða samkeppni á næstu árum.

[Baldvin Jónsson, 25.11.2008 kl. 22:38]

Þú misskilur mig Kári, ég hef ekki gefið mér neinar forsendur. Var aðeins að vitna til skrifa þessa höfundar til útskýringar á hans niðurstöðu. Ég tel að hans tilgangur hafi aðeins verið að sýna með þessum samanburði að útflutningur á hugviti væri LÍKA farinn að skila tekjum EINS OG t.d. loðnuveiðar.

Fyrir mér persónulega skiptir litlu máli hvaða atvinnugrein skilar mestu. Skiptir öllu máli bara að hafa sem fjölbreyttasta flóruna