Tölfræði landsfunda

Ég hef verið nokkuð hugsi um muninn á landsfundum Fálka og Samfó.  Sér í lagi er það umfangið sem ég er að reyna átta mig á.  Þegar aðalsalur Laugardalshallar er fullur (allir sitja við borð) rúmast þar fimm til sexhundruð manns, síðan eru aðrir tvöhundruð fálkar á sveimi um gangana einnig eru alltaf stór hluti út í bæ eða á ferðinni.  Það tekur Fálka samtals fjóra tíma í tuttugu mismunandi nefndum að klára ályktanir auk annarra fjögurra tíma í stóra salnum.  Samþykktir flokksins eru meira en þrjátíu síður af stefnu og hugmyndafræði.   Þarf minn flokkur að ráða sér fleiri verkfræðinga til að skipuleggja lýðræðið eða er viðmiðið skakkt.  Getur einhver frændi minn svarað eftirfarandi spurningum?  

• Af hverju greiddu bara 131 atkvæði af 1400 sem sitja landsfund Samfylkinguna?  
• Hvar voru hinir 1259?  
• Hvernig komust 1400 manns fyrir í salnum þar sem landsfundurinn var haldinn?   
• Voru klósett fyrir alla?  

Hvernig er hægt að halda landsfund “kjölfestu stjórnmálaflokks” þar sem stefnan er ákveðinn og 1400 félagsmenn  hafa skoðun á kommusetningu og viðtengingarhætti á tveim dögum? Ég kann ekki svörin við þessu en bendi á þessa frétt á mbl.is

Athugasemdir

[Páll Jóhannesson, 15.4.2007 kl. 11:25]

Sæll frændi! já ég gæti svarað þessum spurningum. En mikið er nú  gaman af því hvað þú ert farin að skrifa mikið um Samfylkinguna  - það er gott  

[Kári Sölmundarson, 15.4.2007 kl. 16:13]

Það voru 906 sem kusu Geri í skriflegri kosningu og Þorgerður 894. 

Hvað kusu margi Ingibjörgu?

[Páll Jóhannesson, 15.4.2007 kl. 20:31]

Ekkert mótframboð í formann og varaformann þar af leiðandi sjálfkjörin - staðfest með lófaklappi rúmlega 1000 manns - verð þó að viðurkenna að ég taldi ekki